کیا
آپ کو علم
ہے کہ لارڈچسٹر
فیلڈ Lord Chesterfield
نے اپنے بیٹے فلپ اسٹین ہوپ کے نام بہت سے خطوط لکھے تھے. ان خطوط میں زندگی کی کامیابی کا فن سکھلایا گیا تھا۔ ایک خط میں اس نے اپنے بیٹے کو نصیحت کرتے ہوئے لکھا ہے:
"میں نے تم سے کہا ہے کہ تم منٹ کی حفاظت کروگے تو گھنٹے اپنے آپ اپنی حفاظت کرلیں گے:
I recommended you to take care of minutes, for the hours will take care of themselves.
اگر آپ اپنے منٹ کو ضائع نہ کریں تو گھنٹہ اپنے آپ ضائع ہونے سے بچ جائے گا۔ کیوں کہ منٹوں کے ملنے سے ہی گھنٹہ بنتا ہے۔ جس آدمی نے جزء کا خیال رکھا اس نے گویا کُل کا بھی خیال رکھا۔ کیوں کہ جب بہت سا اجزاء اکھٹے ہوتے ہیں تو وہی کُل بن جاتا ہے۔
بیشتر لوگوں کا حال یہ ہے کہ وہ 'زیادہ' کی فکر میں 'کم' کو فراموش کردیتے ہیں. وہ اپنے ذہن کو 'زیادہ' کی طرف اتنا لگادیتے ہیں کہ 'کم' کی طرف سے ان کی نگاہیں ہٹ جاتی ہیں۔ جس کا آخری نتیجہ یہی نکتا ہے کہ انھیں 'کچھ' بھی نہیں ملتا۔ اپنے ملے ہوئے وقت کا ایک لمحہ بھی ضائع نہ کیجئے۔ لمحوں کو استعمال کرکے آپ مہینوں اور برسوں کے مالک بن سکتے ہیں۔ اگر آپ نے لمحوں کو کھودیا تو اس کے بعد آپ مہینوں اور برسوں کو بھی یقینی طور پر کھودیں گے۔ اگر آپ روزانہ اپنے ایک گھنٹے کے صرف پانچ منٹ کھودیتے ہیں تو رات دن کے درمیان آپ روزانہ 2 گھٹنے کھودیتے ہیں۔ مہینے بھر میں 60 گھنٹے شمار ہوتے ہیں جبکہ سال بھر میں آپ کے 720 گھنٹے ضائع ہوجاتے ہیں ـ اسی طرح ہر آدمی اپنے میسر وقت کا بہت سا حصہ ضائع کردیتا ہے۔ 80 سال کی عمر پانے والا آدمی اپنی عمر کے چالیس سال بھی پوری طرح استعمال نہیں کرپاتا۔ وقت آپ کا سب سے بڑا سرمایہ ہے۔ لہذا اپنے حال پر رحم کریں وقت کو ضائع ہونے سے بچائیں. #ایس_اے_ساگر
