کیا آپ بالوں میں مہندی لگانے کے فوائد جانتے ہیں

"کیا آپ بالوں میں مہندی لگانے کے فوائد جانتے ہیں؟"

برصغیر ہندپاک میں خوبصورتی کے لئے استعمال ہونے والی جڑی بوٹیوں میں مقبول ترین مہندی ہے. عام طور پر لوگوں کو علم نہیں کہ اس میں موجود ٹھنڈی تاثیر گرمی سے بھی بچاتی ہے۔ لیکن کیا آپ بالوں میں مہندی لگانے کے دیگر فوائد بھی جانتے ہیں؟ اگر نہیں تو آئیے ہم آپکو بتاتے ہیں۔

صحت مند بال:

مہینے بھر میں صرف دو مرتبہ مہندی لگانے سے بال صحت مند، چمکدار اور گھنے ہوتے ہیں، یہ آپ کے بالوں کی ختم ہوجانے والی صحت کو بحال کرتی ہے اور نقصان کو ختم کرتی ہے۔ مہندی سر میں تیزابی اثرات کو توازن میں رکھتی ہے اور اس سے بالوں کا قدرتی تناسب متاثر نہیں ہوتا۔

بالوں کے گرنے سے بچائے:

مہندی اور مسٹرڈ آئل کو ملانے سے بالوں کے گرنے کے مسئلے میں کمی لائی جاسکتی ہے۔ ڈھائی ملی لیٹر مسٹرڈ آئل کو ابالیں، اس میں مہندی کے چند پتوں کو ملائیں اور مزید ابالیں، اس تیل کی مالش ہفتے میں دو سے تین بار سر پر کریں۔

بالوں کا کنڈیشنر:

مہندی آپ کے بالوں کے لئے بہت اچھا کنڈیشنر بھی ہے۔ یہ بالوں پر ایسی حفاظتی تہہ بنادیتی ہے جو مٹی یا آلودگی کے نقصانات سے بچاتی ہے. مہندی کے استعمال کو معمول بنانے سے بال مضبوط اور گھنے ہوتے ہیں اور ان میں ضروری نمی موجود رہتی ہے۔

بالوں کی سفیدی چھپائے:

اگر آپ اپنے بالوں کو نقصان پہنچائے بغیر رنگنا چاہتے ہیں تو مہندی اس کا بہترین حل ہے، اس میں کسی قسم کے امائنو ایسڈ نہیں ہوتے اور نہ ہی کیمیکل جو بالوں کی نمی کو ختم کرکے انہیں بے جان اور روکھا بنادیتے ہیں۔ گرم پانی میں دو چمچ خشک آملہ، ایک چمچ پتی کے ساتھ مہندی کو شامل کرکے اس کا پیسٹ بناکر سر پر دو گھنٹے تک لگا رہنے دیں، آپ کے بالوں کی سفیدی سیاہ چمکدار رنگت میں تبدیل ہوجائے گی۔

خشکی سے تحفظ:

مہندی خشکی کے لئے بھی موثر ہے۔ میتھی کے بیجوں کو ایک یا دو چمچ پانی میں رات بھر بھگوکر رکھیں اور صبح انہیں پیس لیں۔

سرسوں کا تیل اور مہندی کے پتے گرم کریں اور ٹھنڈا کرنے کے بعد میتھی کا پیسٹ اس میں شامل کرلیں اور پھر بالوں میں ایک گھنٹے تک لگا رہنے دیں اور اس کے بعد نہالیں۔

بالوں کو جگمگائیں:

مہندی میں موجود اجزاء بالوں کو خشک ہونے، نقصان پہنچنے اور دیگر نقصانات سے بچاتے ہیں جبکہ اس سے بال بھی چمکدار ہوجاتے ہیں۔ ( #ایس_اے_ساگر )